朋友睇完食評叫我們來試， 到店大概6：25pm,未坐低事頭婆話要 7：45p.m 還枱， 我地話冇問題， 諗住1個鐘4個字食完應走該都冇問題，反正個地方咁擠迫都唔會坐得耐！
即刻叫餸，叫完等左半個鐘先出第一碟，係拔絲咕嚕肉，我地隨即叫左4個飯，諗住一邊食一邊等其他餸同飯，點知第一口食個咕嚕肉，居然唔熱的，仲要唔係拔絲的！$138一碟普通到唔普通嘅例牌size 咕嚕肉，D 肉仲要唔多新鮮咁樣， 唔知點解O.R. 會有咁多好評。。。 🤔
幾分鐘後先再來第二碟金沙尤魚，又係又咸又唔多新鮮的！
第三碟金磚豆腐需然都係唔熱的，但味道都還可以 。
一路追緊嗰4個飯，終於喺追左5，6次之後姍姍來遲， 來到都係暖的 🤐
等到第4碟鵝腸，結果又係唔熱，仲要又咸又有腥臭味🫣
到第5同第6碟餸到來，都一樣又係唔熱，味道都係一般！
最後第7＆8碟等到 7：19分都未見影，我地叫老闆娘取消， 因為實在等到飽晒（ 真係以為自己去左巴黎食法國菜！）當時老闆娘聽到反應好嬲，問我地而家係咪想唔要，係就早D 講！ 我話而家咪話緊妳知囉！ 跟住佢好嬲咁走埋來同我講， 妳知唔知妳由落單到而家只係等左40分鐘咋？ 我話最後來第6碟嗰碟炒介蘭都等左1個鐘啦！ 點只40分鐘呀！ 而且妳又話要我地 7：45pm 還枱， 而家都仲有2碟未來，我地點食得切呀！ 跟住佢黑晒面問我，妳而家係咪要取消？ 係就要即刻埋單即刻走！ 我話好呀！ 咁妳取消啦！ 🤬🤬🤬🤬🤬（後來醒起，我地坐低時見隔離枱又係取消了一些order 而同這個事頭婆有爭辦，但由於當時冇為意這間店咁袞，所以以為係個客嘅問題，冇理會後著係點樣結尾！點知原來都會發生埋喺我身上！）
總結，此食店已經唔係清潔， 衞生欠奉，廁所又細又要踎的，有老人家更不應帶他們來！ 所有食物都應該唔係即炒即上枱，所以上枱碟碟都係暖的，價錢，完全同食物質數和份量不對稱！ 再加上冇禮貌的老闆娘， 逼夾的環境， 絕對不推薦光顧！
