老虎岩餐室 (已結業)

今日簡簡單單去油麻地茶記食飯，呢間大埔老虎岩主打家傳滷水牛腩、潮式粉麵、同手工燒賣，雖然係潮式粉麵，裝潢就走懷舊餐室路線。門面光猛奪目。餐牌有粉麵，餐，淨食，小食，燒賣系列，飯，同飲品。新鮮牛爽腩 大 $110新鮮牛腩揀咗爽腩要加$10，爽腩即牛既小腹部份有兩層筋膜同脂肪包住，肉汁最甜，口感最佳，不過較肥。呢度用潮式滷水製法同選用本地鮮牛腩，味道入味，而肉質好稔，當然真係肥少少，不過自己走肥都唔難。白蘿蔔有幾舊，整得又腍又入味。個湯都好濃牛味。呢個價錢都有十幾舊牛食。牛腩芝士蛋三文治半份 $30牛腩芝士蛋三文治半份都大大份，原來已經係烘底，香脆方包入面包住牛腩，仲有薄薄一層滑蛋撈芝士同一片番茄，味道唔錯，口感脆中帶滑同稔。呢度既牛腩果然唔錯。