百利火鍋海鮮酒家 (已搬遷) 新店位置

成日去太子嗰邊打邊爐，知道百利重新裝修完，決定即刻再去幫襯。火鍋店位置方便，太子地鐵站一出行幾步就到。裝修之後餐廳樓高三層，環境光猛而且寬敞舒適。一入門口就已經見到好多新鮮嘅火鍋配料。湯鍋種類繁多，除咗火鍋配料仲有海鮮同刺身，選擇好多。餐具非常乾淨，仲要係雞公碗碟。海蜇涼拌拍青瓜，青瓜爽脆海蜇彈牙醬汁味濃。首創海底狗肉鍋材料豐富，有新鮮魚、燒肉、炸支竹、蘿蔔，所有材料都好入味。點左好多配料，樣樣都好新鮮，碟碟都好大份。見到有法國生蠔所以點左啲試吓，蠔身飽滿，海水味重非常鮮甜。桂花蚌碌一碌就食得，好厚鮮甜爽口，墨魚滑彈牙有口感，墨魚滑一浮起就急不及待夾黎食，鱔片厚薄恰到好處，鮮味十足。本地手切肥牛打邊爐必點，牛肉脂肪比例適中，食落感覺嫩滑，肉質好腍，牛肉味重。蔬菜色澤翠綠，非常新鮮。酒家用料新鮮，價錢合理，一定要同多啲朋友一齊食，可以選擇多啲唔同嘅食材。