謝謝儂 (淘大商場) (已結業)

好耐冇食上海菜，今次走到去九龍灣淘大花園呢間「謝謝儂」，係一間主打上海滬菜館。店內面積廣闊，座位寬敞，設有大量卡座，適合朋友或一家人到來聚餐菜單上有各式各樣上海菜選擇，也有創意蟹粉系列蟹粉扒豆苗豆苗好翠綠，口感爽脆，唔會太油膩，夠晒健康！蟹粉份量十足，鮮甜又香濃，物有所值豆粒蝦仁煮豆腐蝦仁爽口彈牙，豆腐超嫩滑的！仲有甘筍，毛豆粒等等配菜，清淡又美味謝謝儂擔擔麵湯底散發着陣陣麻醬香，麵上有菜莆碎及花生肉碎，鹹香滋味，豐富左味道同口感。麵條則比較滑溜且軟身香煎韭菜雲吞底部微微香脆，外皮頗有嚼勁的。內裏係飽滿的韭菜豬肉餡，菜肉比例均勻，韭菜味好突出，正啊謝謝儂小籠包小籠包外皮厚薄適中，豬肉內餡香軟腍滑有肉香。熱辣辣的湯汁豐盈滿瀉，清甜而不油膩