南洋 (已結業)

今日去開佐敦，見到呢間南洋勁多好評，當然黎試試啦。哼，一試就試到原來只係間普通野。2點去到，無咩人食，之後先知道好多人會等2點半下午茶時段，即刻覺得自己蠢咗！待應好cool，有街坊黎問野又冷淡，仲要答錯，服務認真麻麻。【豬頸肉叻沙滲滲】非常麻麻既叻沙。雖然有d鋪頭既叻沙椰奶比例會少d，好睇鋪頭既取態，但係呢到既湯底係完全無椰香，勁似飲緊普通湯。湯底有少少唔合格。而佢叻沙入面既配料都係普通，麵都係普通。豬頸肉味道正常，唔係好夠熱。【生牛河】男朋友話個牛腩唔ok。無牛味。其餘都係普通。【加配既香茅豬扒+無圖既炸蝦餅】雖然d主食認真麻麻，但佢既炸物ok喎又！新鮮炸好夠熱，而且入面唔會太油，蝦餅幾乾爽彈牙，豬扒都好味。總結，唔知係咪晚市先好味，午餐就麻麻，平平地食個無咩要求既下午茶都ok既，保險d，叫返炸物，應該就無錯。不過，我係唔會再黎。