黃枝記 (已結業)

又係出動食好野的時候了，今次就黎到銅鑼灣呢間老字號黃枝記，食粥食麵都係今餐了。先黎個花膠金蠔粥開開胃先。粥煲得好綿好滑，而且吸收了蠔的香味，好正。金蠔唔係普通蠔仔，而係大大粒蠔豉，食落有好香濃的蠔味配粥食好match。而花膠就好爽口。終於上今餐重點，雲吞蝦子撈面。一放係我面前即時聞到一鼓蝦香味，落蝦子真的沒手軟，整碟麵都被蝦子覆蓋，撈完後每一條面都沾滿蝦子。而麵就好爽口彈牙。而雲吞皮薄餡靚食落鮮甜美味又嫩滑，果然係招牌。通常中式撈麵都會另上一碗湯，可以食到乾乾地，飲啖湯潤一潤，而呢碗湯就好鮮甜連我都忍不住飲了幾啖！除了粥麵，還叫了鯪魚球菜及煎蘿蔔糕。鯪魚球爽口彈牙，食落唔係好腥，而且帶有莞茜味，點少少豉油食，更能食出鯪魚肉的鮮味。而蘿蔔糕又厚身又多料，而且煎得香噴噴，食落係蘿蔔香甜味中帶有臘肉的咸香味。今餐真係食得好滿足啊～