呂仔記 (已結業)

東大街呢間40多年老字號港式小食店一向以上等材料做魚肉燒賣、碗仔翅、粉果等平民美食，好多人都係慕名而來。魚肉燒賣$35有八粒家鄕粉果$30有四粒👍燒賣及粉果嘅size都比出邊大少少，亦係花心思自家製作的。👍魚肉燒賣係用黃門鱔製作，有鮮魚味，肉爽彈牙有口感。👍粉果餡料有粉葛、豬肉及花生，口感爽脆有層次。食品的而且確比其他店舖優質，但卻要付出明星級嘅價錢，勝價比唔高，食得幾次呀！老實說，食街頭小食有時係想回味舊式情懷，品質及味道唔係太難食其實都可以接受。