老媽拌麵 (屯門市廣場1期) (已結業)

近年興起左唔少台式即食麵開堂食，今日就同朋友黎試左屯門市廣場的老媽拌麵。和其他餐廳不同，點單是掃QR code再電子落單的方式，呢種方式落單相對少見，同時又可以同朋友慢慢商量菜式，比以真人落單的方式別有一種自在的感覺。食物方面，首先叫左兩個主菜，第一味係蔥油嫩雞拌麵，蔥油味道濃郁，雞肉鮮嫩，仲附有一隻勁入味既滷水蛋。另一個主菜係川味紅燒三寶牛肉湯麵 ，這兩個都是店家推薦的麵食，果然無令人失望，湯頭有輕量藥材香帶著麻辣的刺激，麵條我地揀左粗麵，非常有咬口，而牛三寶（牛筋，牛肚，牛腱）各有千秋，牛筋入味又不會咬唔開，牛肚爽口，牛腱吸了湯頭精華，濃郁鮮味。朋友同我兩個人共同叫左幾款小食，分別叫了酥炸甜不辣，煙煙韌韌配上甜辣醬台灣香腸，有配上蒜片加分麻辣鴨血，麻香濃郁，份量亦相當唔少，非常有飽足感豆乳香香雞，炸雞鮮嫩多汁，配上腐乳醬，味道配搭得當。飲料方面分別叫了百香國寶茶加珍珠和鳳梨茉梨茶，味道清新解渴，唔會死甜。我地兩個人食得非常滿足，推薦俾平時喜好台式料理既朋友們。