影片
更多
2009-11-09
14 瀏覽
星期六因男朋友要到中環碼頭一轉，突然想起兩位老外同事提過中環碼頭有間「全香港最好味的burger 店」！我當然不會錯過機會，一於試下。Burger Box位於7號碼頭(往尖沙咀方向)的入口，其實稱不上為一間店舖反而較似take away的鋪位，沒有indoor的dining area，只擺放了數張檯及椅子，整間店為全紅色，醒目搶眼，也算易搵！Menu上的款色唔太多，只有5至6款，可單點或加錢轉combo！我想試bacon cheese又見到Swiss cheese burger呢類比較少有的款色，唔………..肚卻只得一個，最後點了個傳統少少的bacon cheese burger combo！因為係made by order的關係要等一陣，坐下後見到個易拉架，原來此店標榜自家的牛肉採用black Angus，真係估唔到。大約8分鐘後，有野食喇。French fries，連皮粗切，新鮮得黎唔會過熱灼傷個嘴，最驚喜的地方係佢灑上黑椒同盬，食落好夠味，好細心。Burger bun用上有芝麻個種，烘得幾香只係嫌唔夠脆身，bacon的質素唔錯，無死咸的感覺，跟其他burger 店用的煙肉比較，我
我當然不會錯過機會，一於試下。Burger Box位於7號碼頭(往尖沙咀方向)的入口，其實稱不上為一間店舖反而較似take away的鋪位，沒有indoor的dining area，只擺放了數張檯及椅子，整間店為全紅色，醒目搶眼，也算易搵！
Menu上的款色唔太多，只有5至6款，可單點或加錢轉combo！我想試bacon cheese又見到Swiss cheese burger呢類比較少有的款色，唔………..肚卻只得一個，最後點了個傳統少少的bacon cheese burger combo！
因為係made by order的關係要等一陣，坐下後見到個易拉架，原來此店標榜自家的牛肉採用black Angus，真係估唔到。大約8分鐘後，有野食喇。
French fries，連皮粗切，新鮮得黎唔會過熱灼傷個嘴，最驚喜的地方係佢灑上黑椒同盬，食落好夠味，好細心。
Burger bun用上有芝麻個種，烘得幾香只係嫌唔夠脆身，bacon的質素唔錯，無死咸的感覺，跟其他burger 店用的煙肉比較，我認為Burger Box的煙肉唔錯。
Saucing唔會過多而且足料，有酸瓜(一小塊)、red onion同洋蔥，個cheddar cheese好有cheddar味，我知我咁寫好似好傻，不過如果你食過一般叫自己出品為什麼什麼Cheddar cheese burger的話其食味根本同cheddar cheese有出入。
生菜同蕃茄尚算新鮮，好~~~~個beef啦。唔………我只可以講唔太差，講juicy，佢唔夠「Toppings」，講肉味又唔夠 「Burger Mix」，仲以為用Angus beef所造的漢堡會有少少不同。
我反而覺得佢的fries係我食過漢堡包店最好既，真係好味。對鐘意食burger的朋友講聲，其實Burger Box食得過既。如果我咁啱經過，我會再過黎試下其他item，刻意既，我就唔會喇。
所以話，「最好的」都只不過是個relative term!
張貼
