影片
更多
2022-09-26
233 瀏覽
其實我係一個好鍾意食肉餅嘅人，我身邊啲朋友都知道，之前食過肉餅哥以為佢已經好多肉餅，直到我知道呢間餐廳。屏山老地方係一間喺屏山專食肉餅嘅餐廳，可以話係肉餅王始祖，入邊有超過50款嘅肉餅，好似有榴槤、芒果、菠蘿、蟹柳等，款式有創意。餐廳都幾偏僻，因為佢其實喺圍村入邊，不過佢土瓜灣都有分店。當日我係星期六晏晝去到，好彩唔使等位，不過入邊差唔多係滿座，食完賣單嗰時見到出面都有接近10人等環境上好似一間普通嘅茶餐廳，裝修簡單，都算乾淨 ，座位就唔算好寬敝。肉餅有接近50 款，人氣嘅肉餅有芒果煎肉餅飯、榴槤肉餅、六重芝士肉餅，飲品方面燕麥薏仁豆漿都好受歡迎。除咗肉餅，仲有供應麵食、漢堡、小食，好似蝦堡牛角包。-1️⃣ 蒙古辣孜然羊肉煎肉餅飯 💰肉餅係好厚身，呢個肉餅咬落去出邊有少少脆，入邊嘅肉好軟，入面好juicy，煎得啱啱好，食落去孜然味幾突出，即係平時大家串燒嘅味道，味道幾重，帶有少少辣味，夠入味，羊肉味都幾香，整體非常惹味，第一次食羊肉肉餅但係就已經愛上。-2️⃣ 六重芝士肉餅飯 💰第二款叫咗佢哋嘅人氣芝士肉餅，佢係兩塊肉餅疊埋一齊，上邊有好多芝士，肉餅咬落去完全唔鞋，好Juicy，外層脆脆，肉質
屏山老地方係一間喺屏山專食肉餅嘅餐廳，可以話係肉餅王始祖，入邊有超過50款嘅肉餅，
好似有榴槤、芒果、菠蘿、蟹柳等，款式有創意。
餐廳都幾偏僻，因為佢其實喺圍村入邊，不過佢土瓜灣都有分店。
當日我係星期六晏晝去到，好彩唔使等位，不過入邊差唔多係滿座，食完賣單嗰時見到出面都有接近10人等
環境上好似一間普通嘅茶餐廳，裝修簡單，都算乾淨 ，座位就唔算好寬敝。
肉餅有接近50 款，人氣嘅肉餅有芒果煎肉餅飯、榴槤肉餅、六重芝士肉餅，飲品方面燕麥薏仁豆漿都好受歡迎。除咗肉餅，仲有供應麵食、漢堡、小食，好似蝦堡牛角包。
-
1️⃣ 蒙古辣孜然羊肉煎肉餅飯 💰
肉餅係好厚身，呢個肉餅咬落去出邊有少少脆，入邊嘅肉好軟，入面好juicy，煎得啱啱好，食落去孜然味幾突出，即係平時大家串燒嘅味道，味道幾重，帶有少少辣味，夠入味，羊肉味都幾香，整體非常惹味，第一次食羊肉肉餅但係就已經愛上。
-
2️⃣ 六重芝士肉餅飯 💰
第二款叫咗佢哋嘅人氣芝士肉餅，佢係兩塊肉餅疊埋一齊，上邊有好多芝士，肉餅咬落去完全唔鞋，好Juicy，外層脆脆，肉質鬆軟，但不失彈性，肥瘦適中，肉餅唔會溶溶爛爛，出邊嘅芝士係可以拉絲，食落去芝士味道算濃郁，而且有blue cheese既味道同香味，鍾意芝士嘅人應該會鍾意，因為係芝士加肉餅，食起上嚟好似食緊芝士漢堡咁。不過比起其他肉餅，呢個食起嚟會比較易膩，而且略油，偏鹹小小，建議同人一齊share。
-
3️⃣ 松露芝士牛肝菌煎肉餅 💰
肉餅咬落去一樣係好脆，入面肉質彈牙，有焦香，夠濕潤，食落食到淡淡松露味道，唔會蓋過其他食材嘅味道，牛肝菌嘅味道幾突出，應該預先煎香左再擺落去，入邊仲有少少芝士，半溶狀態，味道就唔算突出，不過令到黑松露嘅味道更加香，唔算好重口味，成個配搭都算幾夾，味道幾豐富，係一款好特別嘅肉餅。
-
🥭 芒果之顛 💰
其實佢係芒果汁加可樂，飲落去芒果嘅味道都幾突出，而且可以中和到可樂嘅味道，夏天飲呢個真係好解渴，
-
🌟絕對係我食過最好食嘅肉餅，比起肉餅哥更出色，肉餅嘅種類更加多同埋更加有創意，呢度嘅肉餅夠重口味，食落去好惹味，無論係口感同埋味道都好滿意，係真係將食材同肉餅結合，而唔係上面加個醬汁就係一款新嘅肉餅。
價錢上唔貴，肉餅整得用心，絕對係屏山必食嘅餐廳，要挑剔嘅就係位置比較遠，真係要特登搭車入嚟食。同埋如果大食嘅人，會覺得呢度嘅肉餅大細比較細啲，同埋飯可能唔夠多，不過我就覺得啱啱好。
下次會想試吓麻辣羊肉煎肉餅飯 、芒果煎肉餅飯、咸魚雞粒煎肉餅飯、咸魚加蓮藕。
張貼