潮樓 (已結業)

前晚同另一老友食完壽司後，琴晚(8/11)又同老友雲迪開餐\。我係銅鑼灣行住等佢\，仲係Sogo超市入左好多貨，跟住我地行左一陣，又係第二d零食店度入左唔少貨，之後就去左信和廣場0既潮樓度開餐\啦。我自己就第一次去，所以入到去有d新鮮感。(哈哈，又繼續試新野添。)我地食夜晚9點，等左一陣位，入到去，覺得裝修都幾靚，不過真係同稻香0既風格一樣咁。d椅子好有中國特色，但唔好坐，坐得唔舒服。d野食大部分都黎得幾快，可能因為檯檯叫0既野有好多都一樣啦。我地叫左鹵水拼盤、蠔餅、蠔仔粥同大閘蟹。d野食麻麻地，因為蠔餅同蠔仔粥都唔夠熱，凍左無咁好食。鹵水拼盤就少款式，一舊墨魚都無，好失望呀。而且d鵝定鴨勁瘦，無乜肉，同埋d鹵水唔夠入味。大閘蟹就幾好。如果下次無大閘蟹食，都要考慮下再黎唔黎，因為d野食真係麻麻。勝左唔收加一同茶錢。不過d茶好凍，新加水都係唔夠熱。但係值得0既係，大部分0既侍應都好有禮貌!聽人講話呢間0既水準比以前下降左，希望而家會改善番啦，因為如果好食都抵O既。