養心殿台式養生鍋 (已結業)

約咗朋友去打邊爐，仲要入到馬鞍山，今次試吓新開商場嘅養心殿火鍋。呢間的分店一直有食開，質素都係有信心保證。佢有好多啤酒選擇，最正係有幾款生啤！打邊爐啤酒係好緊要嘅！火鍋湯底我哋叫咗酸菜白肉拼麻辣湯底，淨係個湯底都好多嘢食，啲酸菜白肉即係五花腩，非常爽口，一啲都唔覺得油膩。麻辣湯底嘅鴨血同豆腐都好受歡迎，所以我哋免費追加嗰份選咗鴨血。打邊爐一定要食牛肉、羊肉、牛柏葉，呢間竟然有黑牛柏葉，正！最鍾意呢間火鍋店嘅火鍋料可以揀半份或者一份，咁就可以試多幾個唔同嘅食材！而且價錢好均真，叫本分唔會收多你！呢個手打丸嘅拼盤有六款唔同嘅丸，款款都幾好食！食完仲有甜品送，係好好味嘅雪糕球！榴槤味最正！