影片
更多
2005-09-30
18 瀏覽
今晚收工約左班好少可以咁齊腳o既老友係旺角打波食飯,打完波等齊人就一字排開浩浩蕩蕩去呢度醫肚,黎呢度除左價錢較平同水準穩定之外另外原因就係我地班大懶人費事去搵地方,入到去坐低之後第一件事唔係諗食d咩野而係立即叫兩支冰凍啤酒啤啤佢先,正所謂”人生有個真正朋友的確好味,飲勝!!!”,兩杯到肚跟手簡簡單單每人叫一個菜方便快捷...肉片豆腐魚骨湯---因今晚我o既至愛響螺頭雞腳湯賣晒唯有清清地飲住其他湯先,但都幾好飲!!蒜蓉蒸開邊蝦---中蝦加上蒸得o岩o岩好,唔錯!!!清蒸東星(約2斤)---魚肉幾滑加埋汁料o既味道好好,唔錯!!!可以同出面o既所謂出名海鮮酒家一比,從以上兩味蒸o既菜可見師傅火路控制o既功力!!!值得比笑面佢!!!椒鹽鮮魷---老友至愛,粉漿唔會太厚,一上(木台)每人夾一舊差唔多淸碟,水準照舊菠蘿生炒骨---粉雖然外皮已經淋晒,但食落甜酸適中!醬爆田雞扣---醬汁o既味道唔夠,另外田雞扣比先前食o既冇咁爽口,失左手!!!!豉椒炒蜆---d豉椒汁好鬼好味,但今晚d蜆太細隻,要猛咁係樹摷,睇到眼都矇埋!!!沙薑雞半隻---肉質幾滑,味道幾好雙菇扒時菜---因無食唔知味道金銀蛋莧
肉片豆腐魚骨湯---因今晚我o既至愛響螺頭雞腳湯賣晒唯有清清地飲住其他湯先,但都幾好飲!!
蒜蓉蒸開邊蝦---中蝦加上蒸得o岩o岩好,唔錯!!!
清蒸東星(約2斤)---魚肉幾滑加埋汁料o既味道好好,唔錯!!!可以同出面o既所謂出名海鮮酒家一比,從以上兩味蒸o既菜可見師傅火路控制o既功力!!!值得比笑面佢!!!
椒鹽鮮魷---老友至愛,粉漿唔會太厚,一上(木台)每人夾一舊差唔多淸碟,水準照舊
菠蘿生炒骨---粉雖然外皮已經淋晒,但食落甜酸適中!
醬爆田雞扣---醬汁o既味道唔夠,另外田雞扣比先前食o既冇咁爽口,失左手!!!!
豉椒炒蜆---d豉椒汁好鬼好味,但今晚d蜆太細隻,要猛咁係樹摷,睇到眼都矇埋!!!
沙薑雞半隻---肉質幾滑,味道幾好
雙菇扒時菜---因無食唔知味道
金銀蛋莧菜---清清地味道o.k.
椒絲腐乳通菜---死屈爛屈叫個阿姐送比我地,戰利品---唔錯..哈哈!!!
加埋白飯同十支八支大啤埋單唔使1200,除左環境比較"地痞"同招呼差少少之外(可能個阿姐比我地玩到暈,所以比佢玩返轉頭,哈哈),但以十個人黎講有魚有蝦黎講唔算貴,試想有得食有得飲難得加埋一班傾得埋o既老友傾下計吹下水講下呢個壞話o個個是非,嘻嘻哈哈渡過快樂o既幾粒鐘….自覺無價!!!最後席間知道有位老友喜事近,大家除左借意賀佢飲多杯之外,係呢樹都祝佢同大家以後各樣事都順心順利!!!
張貼