影片
更多
2006-12-04
17 瀏覽
前兩期飲食男女介紹太平館,講到傳咗幾代都仲可以保持水準,所以決定2/12老公生日同佢嚟呢度牚枱腳,不過煩惱嘅係,唔知應該去邊間至好,所以嚟咗OPENRICE睇下D評語,見到佐敦呢間有九個評語九個都係哈哈笑,所以就決定去咗佐敦呢間喇。準時七點半去到,見到門口有好多人等著,等咗幾個字(電話訂枱,阿叔已經講明嚟到都要等陣),終於入得,好期待快D入到去睇下食乜。同一般第一次嚟嘅人一樣,嚟到一定要試乳鴿,雞翼,煙倉魚,焗蟹蓋,燒豬脾,干炒牛河,但係我地得兩個人,只可以叫一個乳鴿二人套餐。首先出場係牛油餐飽,仲要係老牌子嘅牛油(不過如果個餐飽熱D就更好喇),之後係龍皇湯,淨係見到個樣,已經知道一定好足料,飲一啖,嘩,D龍蝦味好似湧出嚟咁;跟住就係主角招牌乳鴿,雖然賣相麻麻,但係一入口,嘩,好好味,脆卜卜,再加幾滴檸檬汁,簡直係冇得頂!最後一樣係干炒牛河,冇預期中咁好食,不過牛肉好軟熟,都唔錯!喺叫呢個餐嘅同時,我地問咗個阿叔燒豬脾有幾大份,個阿叔話:"哦~唔係好大份架咋,得幾片,不過你地兩個人,食咗呢個餐先啦,唔夠再嗌啦!",咁我地就聽呢個阿叔話淨係叫咗二人餐先,最後我地連干炒牛河都食唔晒,跟住頭
準時七點半去到,見到門口有好多人等著,等咗幾個字(電話訂枱,阿叔已經講明嚟到都要等陣),終於入得,好期待快D入到去睇下食乜。同一般第一次嚟嘅人一樣,嚟到一定要試乳鴿,雞翼,煙倉魚,焗蟹蓋,燒豬脾,干炒牛河,但係我地得兩個人,只可以叫一個乳鴿二人套餐。首先出場係牛油餐飽,仲要係老牌子嘅牛油(不過如果個餐飽熱D就更好喇),之後係龍皇湯,淨係見到個樣,已經知道一定好足料,飲一啖,嘩,D龍蝦味好似湧出嚟咁;跟住就係主角招牌乳鴿,雖然賣相麻麻,但係一入口,嘩,好好味,脆卜卜,再加幾滴檸檬汁,簡直係冇得頂!最後一樣係干炒牛河,冇預期中咁好食,不過牛肉好軟熟,都唔錯!
喺叫呢個餐嘅同時,我地問咗個阿叔燒豬脾有幾大份,個阿叔話:"哦~唔係好大份架咋,得幾片,不過你地兩個人,食咗呢個餐先啦,唔夠再嗌啦!",咁我地就聽呢個阿叔話淨係叫咗二人餐先,最後我地連干炒牛河都食唔晒,跟住頭先個阿叔又走埋嚟:"嗱!係咪呀,都叫你地唔好嗌住!",哈哈,呢個阿叔都幾好人,態度都唔錯,雖然唔及人地高級餐廳咁招呼咁好,但係呢個阿叔就好親切(佢個名牌寫住佢個名,叫W.NG),嚟之前仲驚呢度D伯伯好串添。
呢個二人餐都係二百幾,要加一,仲有餐茶同一件甜品(甜品唔係D咩特別野,只係一件普通西餅),下次再嚟,一定要試埋其他野至得。
張貼
