繼光香香雞 (已結業)

繼光香香雞之前都食過幾次，覺得幾好味，特別係香香雞，真係無得輸，見佢即炸咁，覺得流量快一定會去貨快唔會點樣食到放得耐硬晒既炸物。但係自從兩個月前，有次買左份35蚊既胡麻雞翼5隻，買完上小巴到食前後不到5分鐘，一咬落去, 層外皮硬到呢!!!!我直覺第一下反應係唔係呀嘛, 翻炸?!真係只有翩炸先會外層硬到難以下嚥，一隻就算啦咬兩啖唔再勉強，另外幾隻都係一樣咁樣，咬落去硬到鞋口既，仲差過普通茶記炸雞翼。事緣事隔兩個月多，以為都可以偶爾不幸遇到係唔好彩，打算再比多次機會自己去試下香香雞翼失落既美味點知.........不幸既事再度發生，買左又係35蚊既胡麻雞翼5隻，我地等佢炸, 炸完我地行去上小巴到食, 前後不過係3分鐘，份雞翼又係外層咬落去硬到嘴角都損，硬掘掘點食呀真係火都黎，咬埋其他幾隻，外面直情好似翻炸到黑黑地帶燶咁(有圖有真相)!!!!!!一次都尚可見諒，但兩次都係咁就真係敬謝不敏。可能其他的小食是維持到水準及美味的，但係兩次食呢個雞翼都中左伏真係要比個差評。