御品·千之味 (深水埗) (已結業)

之前已經黎食過晚市 今日晏晝又經過呢頭 諗起佢結果就走來食個lunch結果有開心發現就係原來佢lunch set超級抵食！價位大概係$65至$188絕對係豐儉由人鍾意仲可以加錢追加各款小食！午餐仲免收+1我就好肚餓所以揀咗一個角切魚生飯配壽司刺身餐 （$98）聽個名都知道豐富啦！一上枱我都嘩左一聲！超級大份嘅午餐啊～雖然壽司都係比較普通嘅配搭 角切魚生色澤望落去還可以 刺身都算新鮮！食到尾仲有一粒雪糕糯米糍做甜品呢度嘅午市都幾受歡迎我大概食咗40分鐘 一路都有人入嚟翻桌速度快 仲有唔少人排隊添！