影片
更多
2019-06-02
646 瀏覽
近排落咗咁多日雨，心情都一般般，襯今日比較好天就出去食餐好嘅lunch☺️☺️ 呢間餐廳係米芝蓮2018一星餐廳，坐落於洲際酒店大堂左手邊，望住維港景色食午餐真係心曠神怡，午餐每位$588，包括海鮮拼盤，頭盤，主菜，芝士同甜品 (只係weekend先有lunch，平日只有晚餐）而家匯豐卡有75折，好抵1. 點餐時有個用石頭裝住的脆薄片食，伴住牛油果香草醬2. 點餐後就送上海鮮拼盤，有生蠔x 2、蝦x 4、蜆x6 、螺x2，法國送嚟的生蠔真係好鮮味😋😋😋，配上醋食，每人只得一隻真係唔夠喉，其他海鮮就配以蛋黃醬/檸檬汁，蜆都出奇地鮮味，蝦亦有好多膏同鮮味，全個海鮮拼盤都出色，😋😋唯獨個螺好普通有點失色。3. 昆布法包 - 外脆內軟，配埋個好吸晴的魚造型的柚子辣牛油食，又幾好味4. 龍蝦忌廉湯配香草檸檬 - 上檯時碟上裝上龍蝦肉同配菜，在你面前淋上龍蝦湯，一啖飲落去真係覺得無叫錯，每啖都飲到龍蝦的精華，好濃郁好好味，絕對飲得出真材實料，唔會係加咗粉溝出嚟😋😋😋🥰5. 蟹肉香芒沙律 - 係碎蛋沙律加芒果，同好少的蟹肉，好普通，不過片咸香脆脆口感的applewood bacon 有錦上添花的感覺6.
1. 點餐時有個用石頭裝住的脆薄片食，伴住牛油果香草醬
2. 點餐後就送上海鮮拼盤，有生蠔x 2、蝦x 4、蜆x6 、螺x2，法國送嚟的生蠔真係好鮮味😋😋😋，配上醋食，每人只得一隻真係唔夠喉，其他海鮮就配以蛋黃醬/檸檬汁，蜆都出奇地鮮味，蝦亦有好多膏同鮮味，全個海鮮拼盤都出色，😋😋唯獨個螺好普通有點失色。
3. 昆布法包 - 外脆內軟，配埋個好吸晴的魚造型的柚子辣牛油食，又幾好味
4. 龍蝦忌廉湯配香草檸檬 - 上檯時碟上裝上龍蝦肉同配菜，在你面前淋上龍蝦湯，一啖飲落去真係覺得無叫錯，每啖都飲到龍蝦的精華，好濃郁好好味，絕對飲得出真材實料，唔會係加咗粉溝出嚟😋😋😋🥰
5. 蟹肉香芒沙律 - 係碎蛋沙律加芒果，同好少的蟹肉，好普通，不過片咸香脆脆口感的applewood bacon 有錦上添花的感覺
6. 露筍意大利飯·海膽 - 酸酸地幾開胃，海膽真係超勁鮮甜，勁濃郁，好滑，可惜得3小舊好香
7. 香煎牛及安娜薯片柳伴鴨肝 ($198)- 牛柳點4成熟，但有點過熟，鴨肝都可以嫩滑點，總括係普通同唔值加錢叫
8. 食完主菜後，再上個沙律俾你清清口腔，再俾個法國芝士你食
9. 最後就係甜品，叫咗2個都係自家製法式甜品，每人可揀2款，揀咗榛子蛋糕，檸檬慕絲蛋糕，樣貌似士多啤梨的莓撻，同朱古力泡芙，全部都幾好味
10. 最後最後送上熱辣辣自家製的貝殼餅，一口咬落去竟然係微微脆，好味喎，第二度食嘅多數都係凍同好難會有脆嘅感覺
張貼
