賞島咖啡屋

營業中

休息中

放假又約朋友去太子行街，行完花園街再睇下啲金魚同動物。最後行埋花墟開始有啲攰諗住同朋友喺附近搵啲嘢食下早去一間西式cafe食物質素好好。賞島咖啡屋 太子花園街233號偉雄大廈地下。 餐廳地方雖然唔大，但係座位嘅空間感好足夠，裝修得好有格調好有文青feel。前菜沙律，沙律菜份量都好多，味道清新，食完特別開胃。蜜糖芥末炸雞粒 38元。炸雞份量好多，雞粒炸到金黃色外脆內暖，入面仲好juicy，食落去雞味香濃配上芥末醬汁令到個味道更加有層次。瑪莎拉牛肉烤餅 148元。牛肉配烤餅味道非常夾，烤餅焗到啱啱好，好香口。夾牛肉同烤餅一齊食，味道好有層次，牛肉肉質嫩滑香料味道配搭得啱啱好。西京燒比目魚 188元比目魚賣相好吸引，份量好多，魚肉煎到啱啱好魚皮香脆，魚肉嫩滑味道鮮甜，配上餐廳嘅醬汁同香料令到魚嘅鮮味更加突出。