影片
更多
2021-05-11
80 瀏覽
難得到西貢食晚飯，揀咗呢間望到海景嘅餐廳。環境浪漫，適合約會。Set B 星（$1400/位）前菜3點🥢旬之刺身3點燒物🥢A4和牛壽喜鍋白飯🥢湯🥢甜品富山瑩光魷魚🦑配上酸味噌，鮮甜又帶點清新嘅酸甜。金時南瓜🎃顏色鮮艷而且鬆軟香甜。蝦肉🦐配薩摩番薯比較普通。磯煮鮑魚彈牙鮮味，底下嘅鰹魚高湯同腐竹味道淡雅。三款刺身包括左口魚、拖羅、「令和の怪物」生蠔。左口魚柔軟鮮味可惜魚油唔多。拖羅口感軟綿但未到入口即化。較驚喜係「令和の怪物」🦪。肉質飽滿creamy，邊位爽脆。味道甘甜，海水味唔重。銀鱈魚西京燒肉質嫩滑，帶有少少魚油香味。魚皮燒得香脆。A4和牛壽喜鍋雖然簡單但好惹味。半熟嘅和牛肉味香濃，但冇想像中咁油膩。野菜、雜菌、粉絲吸滿甜味嘅壽喜燒醬汁好適合餸飯😋。魚湯味道鮮甜，配上紫蘇葉同埋柚子皮，添加咗一份清新。是日甜品係櫻花布甸🌸配上富山蜜瓜🍈。布甸牛乳味唔算好濃，但帶有淡淡櫻花清香，而且味道相當天然。富山蜜瓜香甜多汁，亦有解膩作用。
Set B 星（$1400/位）
前菜3點🥢旬之刺身3點
燒物🥢A4和牛壽喜鍋
白飯🥢湯🥢甜品
富山瑩光魷魚🦑配上酸味噌，鮮甜又帶點清新嘅酸甜。金時南瓜🎃顏色鮮艷而且鬆軟香甜。蝦肉🦐配薩摩番薯比較普通。磯煮鮑魚彈牙鮮味，底下嘅鰹魚高湯同腐竹味道淡雅。
三款刺身包括左口魚、拖羅、「令和の怪物」生蠔。左口魚柔軟鮮味可惜魚油唔多。拖羅口感軟綿但未到入口即化。較驚喜係「令和の怪物」🦪。肉質飽滿creamy，邊位爽脆。味道甘甜，海水味唔重。
銀鱈魚西京燒肉質嫩滑，帶有少少魚油香味。魚皮燒得香脆。
A4和牛壽喜鍋雖然簡單但好惹味。半熟嘅和牛肉味香濃，但冇想像中咁油膩。野菜、雜菌、粉絲吸滿甜味嘅壽喜燒醬汁好適合餸飯😋。
魚湯味道鮮甜，配上紫蘇葉同埋柚子皮，添加咗一份清新。
是日甜品係櫻花布甸🌸配上富山蜜瓜🍈。布甸牛乳味唔算好濃，但帶有淡淡櫻花清香，而且味道相當天然。富山蜜瓜香甜多汁，亦有解膩作用。
張貼
