鳴虎 (馬頭圍道) (已結業)

次次經過依度都覺得依度整得好靚好有日本風，已經好想試下裏面嘅餐廳好耐，今次唔再等就試試入面有咩好嘢食😋。安格斯肉眼配薯條 $188朋友叫咗份牛扒三成熟，起初諗住會好生血淋淋，點知牛肉三成熟上枱啱啱好😋，完全唔係血淋淋，亦都唔會太生，煮得啱啱好非常恰到好處👍👍👍。完全睇得出廚師嘅功力🫡。食落好啱啱好完全唔會靭，亦好容易咬開，牛肉味好濃😋，配埋啱啱炸好熱辣辣嘅薯條🍟。嗚虎海鮮炒飯 $98海鮮炒飯，海鮮量一啲都唔少👍。最喜出望外嘅係海鮮飯裏面嘅蝦嘅份量完全係意料之外😋。食落炒飯一粒粒，完全唔會黐立立，亦有海鮮味👍。亦有唔少魷魚🦑同青口，食落肉質煮得啱啱好，完全唔會over👍。