因為我對豬頸肉既熱愛，我地先叫佐Charred Pork Neck $88，完全係泰國食既風味，成碟鋪滿豬頸肉，加埋一邊好多既辣汁同埋墊底既菜，賣相好好，燒到少少焦既豬頸肉加埋菜絲同點埋辣汁黎食口感好有層次，但絕對唔係濃到苦，辣汁令到豬頸肉更香，好好味😋
之後我地叫佐叫佐Shashuka $88，店員介紹山先知係地中海菜式黎😝係焗蛋加蕃茄醬同芝士，酸酸地但又好香芝士味，放上法式麵包咁食，麵包吸晒啲汁，好正，芝士手愛好者一定要試！🧀🍳🥖
之後仲叫佐兩款小食，Onion Rings $68同埋Thai Fish Cake $68。洋蔥圈烤得好脆，上枱仲有少少煙，好誇張😹泰式魚餅都好好味，金黃色既魚餅好香脆，兩樣都好香口好好味，配埋各自既醬汁就岩岩好😻
最後我仲叫佐杯Hazelnut Spritz黎試下，有一大塊檸檬插係杯邊，又可以打卡🤗成杯酒味唔會太濃，岩晒啲唔太飲得既朋友，榛子令到杯酒有番少少甜味，唔會太單調淨係得酒味，好易入口🍸
