少爺泰 (已結業)

 好耐冇食過泰國菜，難得屋企附近新開左間。梗係要同爸媽回味一下啦！餐廳裝修得好靚，顏彩鮮明，座位間隔闊落，感覺好舒服。餐牌用中文字翻譯成泰文，勁搞笑菠蘿仔夾餐單好有心思先order個細size嘅＜Combo小食拼盤＞:蝦餅同魚餅肉質彈牙爽口；蔗蝦有少少甘蔗汁嘅甜味；泰式春卷好脆吾油！點埋甜酸醬或梅子醬就更加正！跟住來碟＜鹹肉炒椰菜苗＞:椰菜苗用鹹肉加蒜頭香炒，翠綠香口，鹹肉肥瘦適中，吾太肥膩！再來多碟＜泰式什菜野菇炒金邊粉＞:金邊粉配搭什菜、野菇、豆乾、芽菜同雞蛋等食材香炒。碟粉炒得够乾身，芽菜爽口，加埋花生粒同青檸汁，更加美味！最後出場嘅＜溶岩椰青海鮮焗飯＞:賣相如其名，椰蓉好似溶岩湧出，海鮮超大，d飯吸收晒椰汁香味，甘甜可口！值得一試！再飲埋杯椰青水，清甜解渴。