鉄火堂 (登打士街) (已結業)

小編放假一朝早就同朋友去到旺角到睇野，其實係睇緊野既同時，已經餓到不得了😩，因為一啖飯都仲未落過肚。而朋友已經行哂想去既地方之後，終於都決定係附近搵間餐廳食喇🤯。就係附近就有間外觀帶有日式設計既風格，望落啲刺身都好似唔錯👀，人流亦好旺，所以小編唔多點諗，見已經餓得太耐就試下呢間「鉄火堂」啦🏃‍♂️。✦✦✦✦✦✦✦✦✦✦✦✦✦✦🎈自選魚生丼(五款) $69小編係第一次見可以自由揀想要既刺身，,至少要叫四款，而可以揀既刺身都有成幾十款咁多，真係任意配搭📝。小編就揀咗飛魚籽、火炙三文魚腩、甜蛋、汁燒帆立貝、藍陼吞拿魚，一共五款🤭。另一樣特別之處就係可以揀另類既飯，例如冬菇壽司飯、薑味壽司飯同黑胡椒三文魚飯🍚。由點餐開始小編已經花多眼亂，睇咗好耐先揀得到。雖然每款都係細量咁，但加埋一齊起嚟成碗既份量就會滿滿，非常吸引🤯，樣樣功夫都做得唔差，味道方面亦啱哂口味，唔會過份太少份量或刺身有異味👍。✦✦✦✦✦✦✦✦✦✦✦✦✦✦🎈酥炸三文魚鰭 $30小編既朋友專登嗌嚟食，原因係想食下三文魚肉咁👄，而價錢唔貴，又有大量肉係入面既三文魚鰭就啱哂小編朋友👏。三文魚鰭炸過後香脆，而入面既三文魚味道非常突出，好味😻