🎈2.屯門牛 $45
小編睇到餐牌已經畀呢個名吸引住左🤓，而餐牌上面都好細心咁列出入面會有乜野材料，防止有啲朋友會對某啲食物過敏又或者唔啱自己口味😜。而屯門牛有既材料係蛋、蘑菇、芝士、煙肉同蕃茄，而點一個牛角包加一杯野飲🥤仲會送沙律🥗或薯角🍟，所以大食既朋友可以叫埋野飲喇。牛角包外脆而實，包內空氣唔多，食入口好有質感亦好香口😍，讚。入面既配料充滿哂整個牛角包，尤其係蛋，香滑又大件🥚。平時出面都係用漢堡包做外層，而呢個餐廳主打係用牛角包🥐，十分特別，感覺好新奇，小編極力推介大家去食👍，雖然位置係有啲遠😢。
✦✦✦✦✦✦✦✦✦✦✦✦✦✦
🎈宇治抹茶拿鐵 $33
抹茶份量比較多，溝埋飲之後好香滑🥛，抹茶味濃郁🍵，十分好飲，果然係打卡之選👍。餐廳只提供一個容量，不過小編覺得其實咁樣係好，(L)大杯量小編都覺得唔夠喉呀😖。另外，打卡之選中有(水炮車)同(牛都唔飲)，而牛都唔飲價錢仲去到$88🤯，唔知會係咩嚟呢? 大家有冇嚟試過?❓
✦✦✦✦✦✦✦✦✦✦✦✦✦✦
小編認為今次無嚟錯地方👏，而且對餐廳印象好深刻，特別係選用牛角包做賣點🧐，不單止用靚料，而從食物配料、餐廳環境都好高質🙏。飲品亦都唔差，從名稱到款式都好特別亦好神秘🤫。餐廳唔單止有出色既牛角包餐，更加有出色既台式飲品💯。
✦✦✦✦✦✦✦✦✦✦✦✦✦✦
