Dabyida Restaurant and Bar (已結業)

棉登徑一帶出名多好野食，同男朋友行完k11就行過去覓食，經過見到 dabyida 環境優雅，感覺好有情調，決定入去浪漫下。係禁有情調既環境下當然要叫支酒襯托下，平時好小飲酒既我地叫左支入門級 house wine - sauvignon blanc ，口感較溫和，味道黎講幾清新，岩哂我地呢d初哥。前菜方面叫左個香草蕃茄忌廉汁炒田螺, 平時食開焗田螺，炒田螺仲要配忌廉蕃茄真係第一次，上枱已聞到陣陣香氣, 爽彈既田螺，酸酸甜甜既蕃茄，清甜既菠菜，再配上淡淡香濃既香草忌廉汁，味道香濃而不膩，估唔到呢幾樣食材配合埋可以禁夾，配合餅乾同乾芝士更加提升味道。😋藏紅花蟹肉海膽意大利飯-蟹肉係用新鮮既蟹折肉，所以食落好鮮甜，海膽味香濃，都係好鮮甜好creamy ,入口即溶，而且唔會太勁海水味。岩哂我，而意大利飯粒口感很好，質感有點硬硬，醬汁香滑，整個菜式感覺好正宗。👍🏻西班牙黑毛豬配蜜糖芥末籽松子仁-黑毛豬好厚身，食落好多汁爽口，肥瘦適中, 表面舖滿松子仁碎粒同果仁，果仁既原始香，再配合小甜既蜜糖汁，更帶出黑毛豬既味道，提升口感。