鮨心 ，旬節 (已結業)

食開日本omakase，可能會響中上環銅鑼灣灣仔嘅地區試過，響旺角都係第一次聽有得食，於是今晚就同朋友試一試佢。餐廳嘅位置都好方便，旺角地鐵站隔離就係。今晚就揀咗椿，有前菜，刺身，壽司，湯，hot dish同埋甜品。先上檯嘅前菜，買相已經好精緻，最特別嘅係嗰個貝柱冬瓜，冬瓜吸滿左貝柱湯嘅味。而水雲山芋蓉就酸酸甜甜咁好開胃。刺身分別有拖羅，牡丹蝦同埋粒貝，食材好新鮮，尤其是拖羅，充滿咗魚油嘅香味，而且好肥美。Hot dish 有海膽黑松露蒸蛋，呢樣野真係好heavy, 但係真係好好味，蒸蛋嘅熱力令到黑松露同埋海膽嘅香味提升，而兩樣食材嘅味道亦都好有個性。壽司都好新鮮，再請我嘅梗係海膽壽司啦。其他嘅都有一啲貝類同埋吞拿魚，右口魚等等飲埋個大蜆湯就完美喇甜品嘅份量都幾多，最好味嘅就係佢個芝麻雪糕，因為芝麻雪糕係點綠茶粉一齊食嘅。最後送上綠茶，真係好飽啊。