美荷冰室 (已結業)

距離做嘢嘅地方大概10分鐘嘅路程，行到來美荷樓。這個曾經是住宅地方，已經變為一個青年旅社。原來這邊的地舖有一間懷舊風味十足的冰室，有好多打卡點，而且人都唔係好多，適合靜靜地傾吓計。叫做美荷冰室，入邊嘅環境十足十以前香港80年代嘅餐廳。播着都係一啲懷舊嘅廣東歌，加上唔同主題嘅座位，有黑膠碟的牆，係一個非常之好留倩影的地方。餐廳採用全自助的形式，首先要到櫃檯點餐，店員會比一個感應器你，如果你的餐已經準備好，就可以出返櫃檯領餐。溫泉蛋卡邦尼意粉卡邦尼意粉，本身已經好creamy，加上炒香的煙肉，混和了溫泉蛋之後每一啖都吸收了蛋汁。全日早餐全日早餐除咗有基本嘅料之外，仲有一個牛角包、薯餅、煙三文魚、德國腸、黑松露炒蛋等等，份量都好足夠。特別鍾意牛角包，雖然唔算香脆，但係油香味十足。配上大量的新鮮蔬菜，絕對係諗唔到食乜嘅一個好選擇！迷你窩夫雪糕播放一共有四件，不過每一件唔好生，所以作為飯後甜品一流。雪糕採用了奶味十足的應該係維記雪糕。