INN - I’m Not Nothing (裕民坊YM²)

營業中

休息中

又到年底，係要約下好耐無見嘅朋友見下面，揀左間近佢公司靚靚嘅西餐廳，入面用上唔少花做裝飾，佢非常滿意呢度嘅午市套餐有唔少選擇，除咗扒類亦都有意粉，意大利飯同全日早餐等等。朋友就揀咗個西班牙辣肉腸八爪魚意大利飯，而我就揀咗個煎焗厚切豬肉眼配芥末忌廉汁我哋亦都加配咗餐湯同埋飲品，當日係蘑菇忌廉湯，好好飲，用料十足，濃濃嘅蘑菇香味又夠creamy好快意大利飯就煮好，貌相真係非常美觀，用上少少乾花點綴，打卡一流，連碗碟都有啲暗花設計，讚！重點係個意大利飯都非常好食，煮得啱啱好in，煙煙韌韌有咬口，唔會太乾太硬，而且醬汁嘅搭配亦都好好唔會太濃郁，滿滿鮮茄味搭配埋香口惹味嘅辣肉腸同埋爽口嘅八爪魚，口感同味道都非常豐富！我份豬肉眼扒亦都係非常有驚喜，我平時都鍾意點豬肉眼多於牛，羊（如有），餐廳嘅豬肉呀真係好出色，係少少韌嘅感覺都冇，甚至真係可以稱上好嫩而且有肉汁,配菜嘅薯蓉都好好味道，有驚喜。整體非常滿意。