紐約客 (已結業)

早排同朋友係附近食過間唔錯嘅美式餐廳，價錢抵，都係大大份，都想分享一下，間餐廳係港濤軒地下嘅地鋪，餐廳環境寬敞，入門口就見到水吧，轉另一個方向又有個空間，重有啲較高身嘅吧枱位置，咁都有梳化位，座位選擇都多！店員安排坐在投影牆邊，較邊位置，一望大半個場餐牌有套餐，亦有散叫，兩樣都好抵食，套餐份量多，怕吃多了，點了個美式辣肉腸薄餅$98，上面放滿了蕃茄，青椒，當然不能少嘅辣肉腸，用了厚身嘅薄餅底，入口時好有口感，不是太乾可能因為充滿肉汁嘅蕃茄關係，重有入口煙韌嘅芝士，六大件份量啱啱好，有空間吃其他食物！加多個BLT 漢堡包$78，厚厚嘅脆包夾住塊充滿肉汁嘅漢堡扒，上面重有塊香脆煙肉，同埋已經容化嘅芝士，真係夠晒口感，當然真係不能一口就咬晒成個包，要再張大啲先得放入口，漢堡扒充滿肉汁，真係滿足到我愛吃肉嘅要求！加多個野菌牛柳粒意粉$108，牛柳肉質嫩滑軟熟，而意粉係充滿肉汁嘅長通粉，再加埋不同顏色爽口嘅椒，入口真係充滿不同口感！另外重有好多唔同嘅手真啤酒選擇，如果同朋友食飯吹水亦是一個好地方！