Moreish & Malt (鴻圖道) (已結業)

呢排work from home，加上禁晚市堂食，我已經兩個星期冇踏出家門外，不過女朋友係要見㗎嘛，我同女友今日去左觀塘嘅Moreish & Malt，地方非常大，座位之間有透明隔板，咁就食得安心又放心！餐廳牆上貼滿外國既風景照，為餐廳塑造出異國風情。餐廳weekend brunch既選擇幾多，有意粉、burger、all day breakfast、8Oz肉眼扒都只係$138。- 明太子蟹肉扁意粉🍝扁意粉上有蘆筍同紫菜，而且有蟹肉，明太子辣味非常突出，但唔會蓋過蟹肉嘅鮮甜。- 太陽蛋燒牛脷三文治🥪麵包稍為烘過，牛脷燒得香口，肉質幾稔，太陽蛋流出既蛋汁同牛脷味道幾夾。加上粗薯條，分量相當多，令我非常滿足。- 炸芝士薯蓉配鹹蛋黃醬外層酥脆，食頭兩件時侯依然熱辣辣，所以芝士有拉絲嘅效果。鹹蛋黃醬亦唔會太甜同太膩。- Homemade Sangria 水果種類比較少，只有檸檬同橙，果香味欠奉，另外加左雪碧，所以味道偏甜。- Ginger Kaiser餐廳mocktail既其中一款，酸甜平衡，而且非常清爽。