影片
更多
2021-07-07
10 瀏覽
銅鑼灣Fashion Walk一向係唔少高質餐廳嘅集中地，呢日就去到近海傍位置嘅bar and restaurant Moo Moo Plus，主打burger、pizza、意粉、扒類同其他美式小食，非常邪惡😈😈餐廳入面掛咗唔少具玩味嘅動漫掛畫，出面仲有啲露天位置可以happy hour🥃銅鑼堡（鵝肝、優質安格斯牛肉、芝士、番茄、生菜、招牌MooMoo醬）Burger叫咗呢個銅鑼堡切合返係銅鑼灣🤣亦都係最邪惡嘅一款，鵝肝食落油脂豐腴好甘香，漢堡扒都煎得幾香口有肉味，質感唔會太散太實，連埋鵝肝嘅油脂、醬汁、生菜同番茄一齊食就會juicy啲，整體配搭幾好，麵包都做得唔錯，夠鬆軟。黑松露沙律醬薯條連續兩日食咗好多薯條，但見到呢個薯條都忍唔住叫咗🙈🙈薯條香口，點黑松露沙律醬同茄汁一齊食，幾邪惡幾肥都抵受唔住誘惑🤪雞翼拼盤（8隻）－水牛城雞翼、南乳脆皮雞翼雞翼拼盤可以揀8隻或者12隻，每款口味叫4隻起，水牛城雞翼好好食🥳微辣嘅醬汁好入味，雞翼肉質都夠嫩夠juicy，另外仲配埋經典嘅藍芝士醬，好正宗，食落芝士嘅發酵味🧀好出，如果鍾意臭芝士味嘅人就啱晒，不過單食雞翼都ok。另外南乳雞翼都唔錯，不過南
銅鑼堡（鵝肝、優質安格斯牛肉、芝士、番茄、生菜、招牌MooMoo醬）
Burger叫咗呢個銅鑼堡切合返係銅鑼灣🤣亦都係最邪惡嘅一款，鵝肝食落油脂豐腴好甘香，漢堡扒都煎得幾香口有肉味，質感唔會太散太實，連埋鵝肝嘅油脂、醬汁、生菜同番茄一齊食就會juicy啲，整體配搭幾好，麵包都做得唔錯，夠鬆軟。
黑松露沙律醬薯條
連續兩日食咗好多薯條，但見到呢個薯條都忍唔住叫咗🙈🙈薯條香口，點黑松露沙律醬同茄汁一齊食，幾邪惡幾肥都抵受唔住誘惑🤪
雞翼拼盤（8隻）－水牛城雞翼、南乳脆皮雞翼
雞翼拼盤可以揀8隻或者12隻，每款口味叫4隻起，水牛城雞翼好好食🥳微辣嘅醬汁好入味，雞翼肉質都夠嫩夠juicy，另外仲配埋經典嘅藍芝士醬，好正宗，食落芝士嘅發酵味🧀好出，如果鍾意臭芝士味嘅人就啱晒，不過單食雞翼都ok。另外南乳雞翼都唔錯，不過南乳味可以再濃啲。
人均消費：$150
推介指數（10分為滿分）：7.5分
張貼
