招牌煙燻豬肋肉配薯條
一上枱已經聞到煙香，豬肋肉夠入味，啖啖肉唔會太乾，唔洗用刀都食到。粗薯條炸得乾身，唔係淋嗰種。
卡爾谷煙燻車打芝士牛肉漢堡🍔
包身偏厚，牛肉扒煎得啱啱好，唔會太生太熟。芝士夠濃，咬落有少少爆汁感，煙燻味唔算重手，但整體幾平衡。
芝士條🧀
成餐最開心嘅驚喜。熱辣辣咬開，芝士真係勁拉絲，拉到成呎長都唔斷。外層炸得香脆，唔會油淋淋，芝士味濃得嚟唔死鹹，幾邪惡但值得。
伯爵茶消化餅奶昔
茶味唔算突出，係淡淡滲出嚟，口感厚身，甜度中上，飲完會有滿足感。
蘋果肉桂卷
微暖上枱，外層鬆軟，內餡唔會太濕，肉桂味啱啱好，蘋果餡甜度適中，整體幾balance，食完有種收尾得體嘅感覺。
整體出品有誠意，唔係得個樣，食落去都幾實在，份量又唔細，非常唔錯。
