Boy n Burger (已結業)

這間位於灣仔的burger店，之前放工經過已經好想試，今個週末一於跟朋友來試試！餐廳有多款burger可以選擇，而且還有期間限定款式！這裡的牛肉還可以加錢轉植物肉，所以就算食素都可以食到！Bobby burger，這款burger有兩層的牛肉漢堡扒、蕃茄、洋蔥、生菜絲和酸瓜，牛肉是手打漢堡，牛肉味都幾濃而且juicy！Sasebo Tofu burger，這款期間限定漢堡幾特別，內裡有炸豆腐、紫蘇葉、日式酸蘿蔔，炸豆腐不會好油，口感都幾滑，醬汁加有蛋黃醬和日式燒烤醬，整體食落酸酸味味，好開胃！日式沙律醬薯條，期間限定包款還可以加錢升級日式風味薯條和特飲！薯條的醬汁味道就好似日式章魚小丸子味，味道酸酸味味，加上是幼薯條，更加能夠食到醬汁的味道！柚子梳打，梳打有淡淡的柚子味，而且入面還有柚子肉，好清新！炸薯粒，薯粒不會炸到過火，外脆內軟，再點茄汁食更美味！