影片
更多
2023-03-03
38 瀏覽
西環呢間Alvy’s全店以磚紅色為主調，加埋霓虹燈同懷舊黑白階磚地板好有氣氛，特別於小食同Pizza中加入咗港式料理嘅特色，今次就食咗佢哋嘅二人套餐，真係款款有驚喜！扭扭薯條薯條非常香脆，加埋好香洋蔥味嘅特製肉醬，送啤酒一流！威士忌燒烤炸雞翼香濃嘅威士忌燒烤包裹住炸雞翼，配搭炸蒜同洋蔥乳酪醬，雞翼酸酸甜甜同乳酪醬鹹香味好夾，惹味！腐乳汁凱撒沙律本身驚腐乳會好搶味，但經調製後嘅腐乳沙律汁出奇地清爽又開胃，面頭加上咗叉燒肉粒同脆片，好有創意！威士忌燒烤雞肉薄餅新鮮焗製嘅手工酸種餅底鬆軟煙韌，批邊香脆，自製燒烤汁嘅酸甜味有淡淡蘋果香，加埋雞肉、芝士同炸蒜，無論係味道定口感層次都好出色！Tap beer多達11款Tap beer可選擇，當中仲有唔少係港產啤酒！啤酒有Young Master嘅Contemporary Pilsner, Mandarin Collar Club, Classic Pale Ale, Jeng, 赤兔馬Red Hare, Peaches & Cream Sour, INK、Neonotic!嘅Just Peachy、La Sirène嘅Urban Pale、Hero
扭扭薯條
薯條非常香脆，加埋好香洋蔥味嘅特製肉醬，送啤酒一流！
威士忌燒烤炸雞翼
香濃嘅威士忌燒烤包裹住炸雞翼，配搭炸蒜同洋蔥乳酪醬，雞翼酸酸甜甜同乳酪醬鹹香味好夾，惹味！
腐乳汁凱撒沙律
本身驚腐乳會好搶味，但經調製後嘅腐乳沙律汁出奇地清爽又開胃，面頭加上咗叉燒肉粒同脆片，好有創意！
威士忌燒烤雞肉薄餅
新鮮焗製嘅手工酸種餅底鬆軟煙韌，批邊香脆，自製燒烤汁嘅酸甜味有淡淡蘋果香，加埋雞肉、芝士同炸蒜，無論係味道定口感層次都好出色！
Tap beer
多達11款Tap beer可選擇，當中仲有唔少係港產啤酒！啤酒有Young Master嘅Contemporary Pilsner, Mandarin Collar Club, Classic Pale Ale, Jeng, 赤兔馬Red Hare, Peaches & Cream Sour, INK、Neonotic!嘅Just Peachy、La Sirène嘅Urban Pale、Heroes嘅Hangry Donut同3 RAVENS嘅Hugin。
Mandarin Collar Club / Classic Pale Ale
前者好重柑橘味，入口Fruity得嚟慢慢回甘，味道好豐富；後者係經典淡愛爾啤酒，味道相對淡啲好易入口，味道有淡淡果香。
餐廳仲做緊飲品freeflow 優惠，每人$300就可以2個鐘任飲5種啤酒加1梳打、House Red & White Wine、罐裝Higherthan、Highball、梳打、檸檬水、果汁，勁抵飲呀！
張貼
