Hong Kong Burger (美孚新邨) (已結業)

今日去左美孚饒館之後肚餓所以臨走之前買左個burger頂肚，佢係黃店黎，而且款式都幾多，有意粉、burger等等。芫荽魚柳BURGER佢除左外面好多芫荽之外，佢個魚柳入邊都係夾住芫荽，芫荽控一定好鍾意！個包都幾鬆軟，係有小小燶左！薯條（跟餐+10）佢加10蚊可以跟薯條同埋汽水。佢個薯條薯味幾重，而且完全唔淋，應該係即刻幫你整，所以好脆！蒜蓉包佢bite size好容易入口而且脆卜卜，蒜蓉味幾重我幾鍾意，會食極唔停！玫瑰茉莉茶（$+5）今我唔想叫汽水，所以就再加$5要咗花茶，今日好熱，所以我飲完覺得好爽。佢呢個係冷泡茶，茉莉味幾清幽～整體評分：4.034/5