影片
更多
2010-05-01
9 瀏覽
畢業日 LAST DAY同班同學仔一齊去食放題上次同中學同學想食 點知BOOK唔到位 今次終於BOOK到啦溫馨小提示:如果各位飯友想係假日食 建議早2日好打去BOOK 通常前一日先打去都係FULL BOOKING或者得10點先有入正題~6點我地就去到 一到就坐低 唔洗BOOK左重要等 GOOD一入到去我地就即刻爭取時間叫野食啦包括:刺身,芝麻八爪魚,中華沙律,辣味螺肉,蟹子沙律,蒜味洋蔥牛柳粒,海老天婦羅(即海蝦),灸燒三文魚,芝士饅魚,秋刀魚,日式炸薯皇,火龍卷,牛油粟米...等等而飲品方面都有十種左右既選擇,算係唔錯!有可樂,雪碧,忌廉,凍/熱檸茶,凍/熱柑桔蜜,青蘋果汁..等等..最值得讚係有熱飲,就算女仔甘岩月事,都可以有熱飲選擇,抵讚!而我個人就飲左3杯熱柑桔蜜+杯凍柑桔蜜,甜甜地..岩我芝麻八爪魚細細隻...一啖一隻..而且爽口..就知佢唔係放左好耐..夠新鮮~GOOD中華沙律只係細嘗..因為我本身唔太鐘意 ..朋友叫的辣味螺肉唔算好辣..我唔食得辣都可以接受食幾粒..但肉略為淋..唔爽口蟹子沙律好爽口,而且好大碗,好似我手掌甘大..但沙律醬略為多左D~蒜味洋蔥牛柳粒呢個我
上次同中學同學想食 點知BOOK唔到位 今次終於BOOK到啦
溫馨小提示:
如果各位飯友想係假日食 建議早2日好打去BOOK 通常前一日先打去
都係FULL BOOKING或者得10點先有
入正題~6點我地就去到 一到就坐低 唔洗BOOK左重要等 GOOD
一入到去我地就即刻爭取時間叫野食啦
包括:
刺身,芝麻八爪魚,中華沙律,辣味螺肉,蟹子沙律,蒜味洋蔥牛柳粒,海老天婦羅(即海蝦),
灸燒三文魚,芝士饅魚,秋刀魚,日式炸薯皇,火龍卷,牛油粟米...等等
而飲品方面都有十種左右既選擇,算係唔錯!
有可樂,雪碧,忌廉,凍/熱檸茶,凍/熱柑桔蜜,青蘋果汁..等等..
最值得讚係有熱飲,就算女仔甘岩月事,都可以有熱飲選擇,抵讚!
而我個人就飲左3杯熱柑桔蜜+杯凍柑桔蜜,甜甜地..岩我
芝麻八爪魚
細細隻...一啖一隻..而且爽口..就知佢唔係放左好耐..
夠新鮮~GOOD
中華沙律
只係細嘗..因為我本身唔太鐘意 ..朋友叫的
辣味螺肉
唔算好辣..我唔食得辣都可以接受食幾粒..但肉略為淋..唔爽口
蟹子沙律
好爽口,而且好大碗,好似我手掌甘大..但沙律醬略為多左D~
蒜味洋蔥牛柳粒
呢個我同班同學食都好鐘意食,起碼叫左4-5次
黑淑汁夠濃..牛柳燒到剛剛好..唔會咬唔開..非常好..推介~
海老天婦羅
麻麻地..味道唔突出..食過一隻就無過翻轉頭
灸燒三文魚
本人的至愛..沒有令我失望..而且重令我班唔鐘意食三文魚既同學仔
愛上左佢..4個人 食左30件 哈哈..佢地話 宜家見到都驚
芝士饅魚
完全無芝士味..但饅魚燒得唔錯 幾香 但名字有芝士..照道理應該要有芝士味才對
秋刀魚
好食..燒得好香..但肚既位置因為苦..無人食..結果要一人收埋一D魚肉
令到條魚食到無乜肉無甘覺眼
日式炸薯皇
差D比佢個名呃左...佢個面有芝士的..芝士可以拉好長..正
不過薯仔好易飽 所以只係食左2條就收手..題外話..
張紙到比人勾2人份量同人數份量..第一次叫完2人份量 同學鐘意食
所以諗住叫多D就勾左人數份量..但點知黎到都係2人份量..
重要2次都係甘..同學們食得唔夠爽~
火龍卷
好味道..炸蝦重係好脆..証明即叫即整
講完野食..就講下佢D服務..整體黎講幾好
黎野食黎得都好快..但其間有一位員工竟然因為為左自己方便
唔想兜遠行..竟然叫我地係台尾將牛肉鍋傳過去台頭比佢收走..
令到同學們唔係甘滿意.. 因為其實台尾係有路可以行入去..
但佢自己懶得行..就叫客人搬過去比佢..但爐+鍋都唔輕..
點可以勞動客人呢? 結果同學仔當然有出聲同佢講
甘重點拎..叫番佢自己去收~ NO GOOD
不過都要讚下其他員工..好有禮貌..收碟前通常都會問你重要唔要?
而且係吧台入面既壽司師傳亦都好搞笑..有客人入黎既時候..
佢地會用好高+好大聲既聲調講.."阿司媽些"..重好好笑容
食完之後..同學仔既評語都話好食~重話一定會有下次
畢業了~吃完最後一頓飯..留下美好的回憶後~
下星期要迎接迎新的工作..新的開始~努力..
P.S.是次價錢係148+10%=163 我覺得值得
張貼
