金葉 (已結業)

今日嚟咗試呢間超隱世餐廳金葉～聽喺附近做嘢嘅朋友講佢呢排開咗晚市，主打平靚正嘅美國安格斯牛扒餐，包任食薯條，就諗住過嚟試吓。可能因為啱啱開始做晚市人氣仲唔係好旺，提前打電話過去問使唔使訂位，經理話唔使但係都會幫我留返一個位 ☺️ 去到嗰度見到啲裝修都幾靚,幾舒服，嗱嗱臨叫咗佢嗰個美國安格斯肉眼餐。牛扒到嘅時候見到係蠟燭鐵板上嘅，幾有新意。啲肉質真係幾好，多汁又唔會太肥。份量都OK，男人老狗一個都食得飽。任食薯條都合格，唔係嗰種茶餐廳嘅粗曲薯條，係嗰種靚啲嘅西餐先有嘅幼薯條。食完之後有個免費雪糕，好似係日式嘅雪糕杯，正！