Hunger Point (已搬遷) 新店位置

Taco，係一款經典嘅墨西哥菜式，一般都係用粟米或者麵粉搓成薄餅，再加上餡料製作成夾餅。位於中環嘅呢一間小店，餡料款式非常多元化，最驚喜連個人最鍾意嘅羊肉都有得選擇。薄餅皮亦都有唔同款式，有脆皮同軟皮選擇，一件$46，兩件$88。脆皮手撕羊肉taco，賣相好靚，羊肉算係足料，用獨特嘅墨西哥香料醃製，一拎上手已經聞到陣香味，分量不多不少，絕對係下午茶之選。軟皮十五味豬腩taco，個人始終鍾意軟皮薄餅，因為配合餡料比較容易入口，豬腩肉有陣豬油香，味道一定冇得輸。