影片
更多
2024-09-21
309 瀏覽
朋友帶咗我嚟呢間日式燒烤店食燒烤🤣$178「大判燒！黑毛和牛西冷」：「黑毛和牛西冷」薄切大大一片，店員姐姐幫我哋燒，睇得出有啲啲技巧，店員姐姐鉗住塊「黑毛和牛西冷」快速喺火爐上邊來回移動又快速捲埋繼續快速移動然後快速重複以上動作，咁大約10多秒就燒好，然後將「和牛西冷」放落有一隻生雞蛋黃嘅醬油裏邊，咁就食得🤣，「大判燒！黑毛和牛西冷」肉質非常軟熟幾好牛味同埋夠滑，我《𠽌》一聲就幾乎成塊《𠽌》咗落肚🤣，好彩我夠快急停咁先至可以留番啲俾朋友食🤣$68「宮崎黑毛豚香腸」、$88「黑毛豚無骨小排」：「無骨小排」好似「五花腩」，目測大約 40%脂肪 60%瘦肉，好甘香好豬味🐷；「宮崎黑毛豚香腸」都見到有好多「脂肪」，所以又係好香口🤣$68「野菜拼盤」：有粟米、洋蔥圈、南瓜、花菇，全部都新鮮，咁蔬菜新鮮就自然好味🤣$78「KAKURA沙律🥗」：應該係有 生菜、紅椰菜、韓式泡菜、罐頭吞拿魚、芫荽蔥、蛋黃醬 等，總體嚟講幾清新🤣$88「黑毛豚脛肉」：「黑毛豚脛肉」睇落同食落都有啲啲似「豬頸肉」，脂肪亦都勁充足，又係甘香，不過呢個「黑毛豚脛肉」比普通「豬頸肉」鮮味又好味啲，仲唔會有「豬頸肉」經常有嘅「臊
$178「大判燒！黑毛和牛西冷」：「黑毛和牛西冷」薄切大大一片，店員姐姐幫我哋燒，睇得出有啲啲技巧，店員姐姐鉗住塊「黑毛和牛西冷」快速喺火爐上邊來回移動又快速捲埋繼續快速移動然後快速重複以上動作，咁大約10多秒就燒好，然後將「和牛西冷」放落有一隻生雞蛋黃嘅醬油裏邊，咁就食得🤣，「大判燒！黑毛和牛西冷」肉質非常軟熟幾好牛味同埋夠滑，我《𠽌》一聲就幾乎成塊《𠽌》咗落肚🤣，好彩我夠快急停咁先至可以留番啲俾朋友食🤣
$68「宮崎黑毛豚香腸」、$88「黑毛豚無骨小排」：「無骨小排」好似「五花腩」，目測大約 40%脂肪 60%瘦肉，好甘香好豬味🐷；「宮崎黑毛豚香腸」都見到有好多「脂肪」，所以又係好香口🤣
$68「野菜拼盤」：有粟米、洋蔥圈、南瓜、花菇，全部都新鮮，咁蔬菜新鮮就自然好味🤣
$78「KAKURA沙律🥗」：應該係有 生菜、紅椰菜、韓式泡菜、罐頭吞拿魚、芫荽蔥、蛋黃醬 等，總體嚟講幾清新🤣
$88「黑毛豚脛肉」：「黑毛豚脛肉」睇落同食落都有啲啲似「豬頸肉」，脂肪亦都勁充足，又係甘香，不過呢個「黑毛豚脛肉」比普通「豬頸肉」鮮味又好味啲，仲唔會有「豬頸肉」經常有嘅「臊味」🤣
$80「若鶏雞脛柳」：肉質偏瘦得來又好軟熟喎，可能呢隻雞真係非常年青（咁當然啦，若鶏呀嘛）🤣，呢個幾好食，又好雞味🤣；仲有，個名都好得意，有日文鶏字同中文雞字🤣
$38「涼拌菠草」：簡簡單單🤣
$58「火炙黑毛和牛壽司」：原來嗰塊「黑毛和牛」係要自己燒嘅，咁幾好玩，兼且燒完即刻同壽司飯🍣一齊食，新鮮熱辣🤣
$58「凱撒沙律」：簡簡單單加隻溫泉蛋🤣
$128「鹿兒島和牛他他」：和牛切成細條狀，相當新鮮，撈埋香蔥同埋洋蔥粒同埋紫菜，再配上少少鹹多多甜嘅醬汁，味道幾得意🤣
$76「七味豆腐鍋」：豆腐夠滑，湯底夠哂鹹，仲加有啲豬腩肉，亦好似落咗啲蕃茄醬🤣
食完仲有甜品，好似係一個「雪米糍」同埋「布甸」咁上下嘅嘢，細細份，兩個都清新好食😋
張貼
