食神麗宮

營業中

休息中

友人介紹係西環一間由"食神"開既中菜店入去到見到佢寫住"兩周年慶", 但都散發住傳統既中菜味道, 不禁令人懷念起往日既美好日子係西營盤店B3出口行幾步就到, 都幾方便特醬燒乳鴿-$38/隻D個價錢都已經幾懷舊啦, $38/隻真係好抵, 成隻食, 夠晒豪氣, 而且因為成隻食, 入面既肉汁一滴都冇流失到, 而味道都岩岩好, D個前菜已經令人好滿意了魔幻汁生煎蓮藕肉餅-$108總結有六舊, 都幾合理, 食落同出面既藕餅幾有分別, 佢係炸既成份居多, 所以勁香口, 食得出蓮藕同肉既比例都幾高, 粉反而比較少, 真材實料。戲棚粥-$68菜單寫左句"旁邊都總有戲棚粥賣給戲子", 我覺得好有時代感, 所以叫左黎食, 食左第一啖已經覺得冇叫錯, 湯底以魚湯為主, 味道層次豐富, 而且有魚肉, 仲有D脆脆可以加入去, 幾有口感, 我幻想緊自己係個戲子, 食完D碗再去做戲, 幾有感覺。咖哩牛腩+長城曼頭-$168咖哩牛腩係連茶記都會好經常食到既菜食, 但交到食神手上, 又會有d咩既唔同呢? d度既咖哩係屬於偏向印度的, 香料比較多, 但都迎合香港人既口味, 唔算好辣, 牛腩好多舊得黎又入味, d個好推薦。