日日香鵝肉飯店 (已結業)

今日去左元朗見到有間食鵝肉，隔住玻璃見到排滿好多鵝肉好吸引，就一於進去食下。點左個滷水雙拼飯轉套餐，加$9有原裝健康鵝骨湯，$24加鵝汁油菜，另外叫櫻花蝦鵝肉炒飯和鵝腎。健康鵝骨湯好足料，有鵝骨和猴頭菇湯好鮮甜好好味😋鵝肉拼墨魚片飯鵝肉拼墨魚片飯，仲有配菜滷水蛋半隻，豬肉條，豆卜，酸菜和時菜，好多餸好大兜，鵝肉又唔肥肉質嫩又好香鵝肉，墨魚片好彈牙，酸菜酸酸甜甜好爽口，豬肉條又幾美味。櫻花蝦鵝肉炒飯，飯炒到粒粒分明又有鵝肉一起炒，令飯粒更加有鵝肉香，炒飯非常好味道。滷汁油菜，菜心好淋又入味。鵝腎好爽脆又夠味道。