School Food (已結業)

之前試過九龍塘分店的這間主打韓式Fusion菜餐廳，味道一試難忘，所以今次特登建議和好朋友們再次黎到旺角分店試試，點知十分失望！其實食物的味道是ok，但店員的服務態度差劣，入座時店員說好用餐時間是75分鐘，但我們食到大約50分鐘時，我們桌上仍有好多食物未食完，店員已不停做很多小動作催促我們走，例如叫我們結賬，但同場有小量空枱和外面等位的人唔算多，全程用餐就好像不停有人趕我們走既感覺，但我們落order的時候，店員是叫極都唔應。烏卒卒$75賣相是砌成2朵花，米飯口感算稔口彈牙，中間有甜甜辣辣既魷魚口，感好爽脆，加上碟邊的沙律醬，是一道很好的開胃菜。卡邦尼年糕$68西式汁醬mix韓式食材，配搭創新！個汁濃稠適中，入口好細滑，醬汁味道偏甜，煙韌既年糕和粉絲掛汁能力好強。明洞炸物拼盤$88有炸雞肉丸、年糕、薯條，整體偏油膩，年糕炸到外脆內軟，薯條沒有特別，雞肉口感麻麻，一咬下去是散開的雞肉，但中間的醬好好味，是成碟小食既靈魂。韓式燒牛肉炒烏冬牛肉醃得好入味，醬汁好惹味，烏冬口感彈牙，配上紫菜和生雞蛋一齊撈勻食，口感豐富了不小。