鱘昧 (已結業)

我好鍾意食海鮮，久唔久會book鐵板燒食順便解下海鮮癮😋😋 -餐廳環境乾淨企理，師傅好專業，每一份食物都有同我哋介紹同講解，成個用餐過程好舒服👏🏻👏🏻 坐bar枱可以近距離欣賞師傅嘅手勢，呢個亦都係我鍾意食鐵板燒嘅原因之一🤤-以下係我特別推薦嘅食物：🌟黑豚肉五花腩：份量慷慨，加咗蔥花同食用花做裝飾，賣相睇落去更加精緻。五花腩油香較重，肉質肥美，口感唔會鞋口同太乾身，煮得幾入味。🌟是日MVP係鐵板大蝦😋用蝦膏炒過既蝦肉，非常香濃，食返蝦本身嘅原汁原味。口感彈牙，完全無霉既感覺，都幾新鮮！🌟煙燻鰹魚：鰹魚本身比較濃味，加埋煙燻味作點綴，提升香氣，好加分😋😋一間唔錯嘅鐵板燒餐廳，值得同朋友一齊去試試！