十兄弟車仔麵 (已結業)

Happy Friday 走落灣仔春園街揾食， 春園街好多食店， 但同事覺得天氣太熱， 都係食個麵算。行下行下見到有間十兄弟車仔麵， 於是就排隊等一等啦。 大約10分鐘可以入座。車仔麵用qr code 點菜都係第一次， 簡單方便， 值得一讚。兩款車仔麵分別係: 香辣玻璃魷魚， 滷水豬大腸， 勁腍牛孖筋，配油麵。柱候牛坑腩， 咖哩牛柏葉， 香辣豬紅， 香辣陳皮魚蛋配米粉。其實每一款都好好食， 比其他車仔麵檔好味一個檔次。香辣玻璃魷魚， 爽滑彈牙。 勁腍牛孖筋必點， 又大件又林又軟， 好入味。咖哩牛柏葉，亦係份量十足， 咬落去爽爽聲。值得一題係個辣汁， 好香夠辣， 值得再食。