路邊煱 (已結業)

上兩個星期嚟到土瓜灣美景街路邊煱晚餐，山長水遠過到嚟呢邊當然就係要食好嘢啦！雞煲同魚煱都十分之出名的路邊煱，環境舒適冷氣通爽！平時經常都食雞煲所以今次就決定叫個魚煱！點左呢個招牌烤魚用上石蚌魚！$198 + 78 我記得之前媽咪講過話呢種魚係好靚嘅，魚肉質鮮嫩而且唔多骨架！所以加78都抵比啊！魚係超級大條配上好多嘅金菇雞脾菇等等嘅配料！湯底濃郁好味！仲有乾葱等等，只係叫咗微辣，少少辣香搶喉更好吃，最重要係呢條魚十分之新鮮，炸過後，外皮香脆，裡面的肉十分之鮮嫩而且很滑！一個魚煲其實呢兩個人真係食唔晒，不過呢都仲想加少少配料！因為我同牛魔王食飯，所以一定要點牛肉食啦！呢個手切鮮肥牛同牛肩肉起好，水準好高，牛味香濃而且厚薄適中！尤其是鮮肥牛，肉脂肪嘅分布十分之平均，食落有入口即溶嘅感覺！我發現原來香港有好多男仔都鍾意食鵝腸，但另大問題就係係女仔面前又好難同佢講話要食，所以好多時男性們都唔會響女仔響度嘅情況之下叫鵝腸，雞子等等嘅食物！不過係我面前就唔好想食唔食喇！因為食物面前人人平等啊！呢度嘅鵝腸都係新鮮貨色，唔係嗰啲制過黃色半透明果種！脂肪層十分豐滿！食落去爽口而且有種甘香嘅感覺！鍾意食嘅朋