越之味 (德民街) (已結業)

朋友想食濛粉，上網見有依間越式小店係附近，一於去支持一下小店。餐廳不大只有十個位，座位為bar枱型式，食物即叫即整。雖然食物款式選擇不多，但大部分都好有特色，有別於一般越式餐廳種類。湯底清甜，河粉好滑，慢煮牛肉質軟腍，牛味重。湯河當中配菜豐富，金不換新鮮、芽菜爽脆清甜。慢煮牛有別於一般生熟牛河嘅肥牛味道，值得一試。蝦新鮮有鮮味，蝦有炭燒香味，肉質爽脆唔會霉，蟹餅蟹膏味香濃，酸紅蘿蔔及白蘿蔔爽脆酸酸甜甜好醒胃，花生及蒜片香脆。