冬蔭NOODLE (已結業)

近排主打船面嘅店舖越開越多，但唔係間間都好味，而呢一間主打泰國湯麵嘅店舖，佢既船麵湯底真係實在唔錯，非常推薦大家嚟試吓。雖然佢係尖沙咀區，但係價錢尚算合理。船麵可以選擇配肉類或海鮮🦞本身已經包括左唔同嘅配料，例如牛丸，牛肉，炸豬皮等等。而我最終鍾情佢嘅湯底，濃淡適中，不會過份油膩，係會令人有將湯一飲而盡既念頭。另外我朋友就嗌咗大家都好熟悉嘅冬蔭公湯，湯底酸味為主，辣有後勁，食落唔會好滯。而相比之下，我就比較推薦船麵湯底👍🏻另外我哋叫咗木瓜沙律做小食，嗌左微辣。廚房嗰邊雖然已經為我地調整辣度，但個辣勁食完一啖，飲極野飲仲係揮之不去。不過酸辣得黎又好惹味，爽脆又多汁，開胃配神，我自己非常鍾意既😋另外叫咗碟豆花同玫瑰特飲，前者味道較清新，後者有好濃嘅玫瑰香。