木船 (已結業)

同朋友去咗呢一間木全泰國餐廳，喺門口見到已經覺得好一般嘅泰國餐廳好唔同，佢嘅裝修比較新，而且店舖嘅設計非常特別。而飲品亦係非常有特色 有好多特色飲品供選擇👍🏻👍🏻一開始叫咗一個青木瓜沙律，辣辣地味道唔錯。不過就有啲大份，我同朋友兩個人唔係好食得晒。之後就叫咗一個菠蘿炒飯，個賣相非常之靚同吸引，上面仲有兩隻蝦菠蘿亦都非常之鮮甜，一食就知好新鮮！個炒飯入邊仲有一啲提子乾，食落去酸酸甜甜咁好特別。然後我哋都叫多咗一份串燒，串燒亦燒得恰到好處。唔會太乾亦都帶有少少焦脆👍🏻👍🏻 值得推介本身想叫多一份冬陰公，不過驚兩個人食唔晒就冇再叫啦。整體而言味道唔錯而環境設計得非常特別真係好似一架船咁樣，而且都非常整潔，同一般嘅泰國餐廳完全唔同。另外呢度其實仲有好多款小食，呢個亦都係比較特別嘅地方之一。