大快活 (已結業)

過左一個冬至、一個聖誕節，再過一個新年，日日細餐大餐特大餐一齊食，真係好滯，滯還滯但個肚又真係會餓㗎😝唉！唯有出街睇下有乜啱食，順便行遠D消耗下脂肪，唔覺唔覺行到美孚盈暉台商場的大快活，中午12:30都仲有一半以上空位，唔多人，雖然成日覺得大快活燈光不足，好侷促咁，但食晏時間其他地方都多人又嘈，所以對腳就留左向一幅牆咁大嘅餐牌前望望有咩啱食，哈！真係有新驚喜，發現大快活有美味素，我叫左南瓜角薏米雜菜紅米飯配凍低糖綠茶，如果唔要佢哋嘅凍低糖綠茶，可免費轉換其它熱飲，碟飯算大碟，D紅米同白比例大概三七，都有三、四成係紅米，口感適中，餸方面我見有薏米、南瓜、西蘭花、紅椒、青椒、白豆角、翠玉瓜、洋蔥，味道清新，好啱我今日胃口👍🏼