無肉食 (如心廣場二期) (已結業)

雖然我唔係素食主義者，但係考慮到近排少食菜，就諗起無肉食，可以補返啲纖維～外賣比堂食平好多，因為係定量既，$50一個外賣盒+湯碗，可以夾不同種類既餸，但湯碗只可以盛湯或糖水。自己食量唔係話好大，呢個外賣分量已足夠。素食其實選擇都不少，除左菜、粉麵，仲有炸物，湯，糖水🍲 諗唔到食咩都唔緊要，果度實有野啱食～今次外賣，我夾左除左有菠菜、菜心，椰菜南瓜，銀針粉，仲有炒烏冬。其實我食過好多次，啲炸野已經食過，知道係好食，但是次目標係想食得健康啲，就唔想夾啲熱氣野。